Quiche með kirsuberjatómötum og ólífum
Þessi er heppileg fyrir 2 lítil form (15 cm).
2 blöð blaðdeig (filodeig)
1 bakki kirsuberjatómatar skornir í tvennt
lúkufylli af svörtum ólífum skornar í sneiðar
1/2 dós hreinn smurostur
1 heilt egg
2 eggjahvítur
pipar og salt
30 g rifinn mozzarella ostur
Leggja blaðdeigið í nokkrum hlutum í lausbotna 15 cm form. Setja tómata og ólífur í botninn og blanda smurost, pipar og eggjum saman. Hella eggjablöndunni yfir og strá smá osti að lokum yfir allt saman. Baka við 200 °c í 30 mínútur eða þar til eggjablandan er bökuð í gegn. Þessi er góð bæði heit eða köld og er gott að bera fram með fersku salati.