Graskersrúlluterta
100 g hveiti
1/2 tsk lyftiduft
1/2 tsk matarsódi
1/2 msk kanill
1/2 tsk engifer
1/4 tsk negull
1/4 tsk salt
3 egg
200 g sykur
160 g grasker úr dós
Rjómaostakrem:
200 g flórsykur
100 g rjómaostur
1 tsk vanilludropar
klípa salt
örlítil mjólk ef þarf að þynna kremið, auka flórsykur ef það er of þunnt
Forhitið ofninn í 190°c.
Byrjið á að þeyta saman egg og sykur þar til blandan verður létt og ljós. Sigtið þurrefnin saman við og blandið að lokum garskerinu út í varlega með sleif. Ekki hræra of mikið í deiginu.
Setjið bökunarpappír á ofnskúffu og penslið yfir pappírinn með bragðlítilli olíu. Hellið deiginu á bökunarpappírinn og dreifið úr því með sleikju til að það sé jöfn dreifing.
Bakið í 15 mínútur.
Á meðan kakan er enn heit þarf að rúlla bakaðri kökunni upp með pappírnum og láta hana kólna upprúllaðri á kæligrind.
Þegar kakan hefur kólnað má útbúa kremið og afrúlla kökunni og smyrja kreminu á botninn.
Rúllið kökunni aftir upp en án bökunarpappírsins í þetta skiptið og að endingu má dusta smávegis flórsykri yfir kökuna.
Best er að geyma kökuna í kæli til að rjómaostakremið sé sem ferskast. Kakan geymist í 4 daga í kæli.